la república de la islla de deva ye un territoriu de 550x350 metros, que sumaos a les 12 milles marítimes de territoriu conformen un de los más grandes, de los pequeños estaos del mundu. les agües de la república de la islla de la deva son de les más riques en caladeros de bonitu del atlánticu, thunnus alalunga ,asina mesmo la presencia de reserves de petroleu nes agües territoriales aseguren a la república la so continuidá económica y unes tases de desarrollu humanu similares a les de bélxica o los países baxos.

el númeru total de ciudadanos y ciudadanes de la república de la islla de la deva ye de cincuentamil, esto ye posible pol alcuerdu col gobiernu d'asturies p'asegurar la doble ciudadanía a los ciudadanos y ciudadanes de la islla de la deva.

la llingua de la islla de deva ye l'asturianu, que ye l'idioma oficial a tolos efectos, sicasí y pola nuesa posición na mar l'alministración de la república almite y tramita documentación en galego-portugués, castellano, euskara, inglés y francés.

el turismu ye una de les más importantes fontes de financiación de la república, los paraxes naturales de la república y les perguapes vistes de la costa asturiana que destaquen nos 60m d'altor del picu de la llibertá, sitiu más altu de la república, confieren a la islla de deva como'l meyor de los puntos d'observación de la mar de bizkaia.

les comunicaciones na islla tan al mesmu nivel que les de cualesquier país del norte européu, sicasí anguaño se ta negociando col gobiernu asturianu la creación d'una llinia de ferrocarril que dea meyor cobertura a la población asturiana que se desplaza a trabayar tolos díes a la islla, la esistencia d'un aeropuertu a sólo dos quilómetros de la república facilita les comunicaciones internacionales. na islla de la deva la utilización de medios de comunicación qu'alteren l'ambiente ta prohibía na islla.

la islla amás de recibir les canales de radio y televisión qu'emiten n'asturies cuenta con una canal de televisión propia, qu'emite 24 hores diaries en llingua asturiana, y una canal de radio propia qu'igualmente emite les 24 hores.

el primer domingu d'agostu la república de la islla de deva cellebra la so fiesta nacional conmemorando'l conceyu abiertu nel que se decidió la llibre determinación de la islla respectu a asturies.

les rellaciones con asturies, anguaño, son les correspondientes a dos estaos que comparten una mesma cultura y ciudadanos/es comunes. l'alcuerdu marcu pol que'l principáu d'asturies asume la defensa del territoriu de la república de la islla de la deva posibilita un bon intercambiu de recursos.

la educación ye una de les xeres más importantes de les que s'encarga el gobiernu de la república, mediante convenios con asturies la nuesa mocedá puede estudiar de baldre na universidá d'uviéu, hai que dicir que'l gobiernu asturianu ta percontentu en que namás acabar los mozos y moces de la deva vuelvan pa casa a trabayar porque n'asturies nun hai trabayu pa ellos.

(fc) goviernu de la república de la islla de la deva